قول شكراً
بزعل أوى ساعات وكتير بكون مخنوق
وبقول ياريت الناس تخلّى عندها ذوق
أصل الكلام الحلو مش لازمه محبه وشوق
ممكن بكلمة شكر تكسب من القلوب ألوفات
وتحلّى مرار الزمن على ناس عاشوا ف متاهات
او ممكن بكلمه رقيقه تكسب من الفلوس ألوفات
مفيهاش يعنى أيوها حاجه لو تنطق كلام معسول
ومعاه إبتسامه خفيفه بتخلى الكلام فى الجول
بتريح وترضى غيرك وتنول الرضا والقبول
لو فاتك كتير إبدآها من دلوقتى وأنسى زمان
قول شكرا لأى جٍميله قولها لأى حدٍ كان
صدقنى دى كلمه بسيطه بتنقذ حياه إنسان
ليست هناك تعليقات:
إرسال تعليق