"يوم القبض"
يوم المرتب يكرم المرء جدا,تحس ان الكل مستني يوم لما هتقبض بصابر الفرغ :))
وتبدأ تحس بحنية غريبة وإهتمام من كل اللي حواليك مامتك اللي كانت بتصحيك
بالشبشب ,تغير السمفونية المعتادة قبل يوم القبض
بيوم واحد " حبيبي اصحى
عشان هتتأخر على الشغل ,قوم بقى ياجميل بطل كسل " ده النهاردة تقريبا كام
ياولاد في الشهر وتعمل انها
بتبص في النتيجة وتتفاجأ إذا فجاة :))
وتقول ده النهاردة يوم القبض
تقوم
من النوم وتفوق , تلاقي فطار ملوكي وأصناف أول مرة تشوفها عينيك ايشي بيض
أومليت وايشي عيش كايزر ده غير العصير
والجبنة الرومي والشيدر وتروح
شغلك وترجع بقى ,تلاقي بيتكوا مليان ناس وعيال بتلعب على السلالم ولا كإنه
عيد ,,أخواتك جايين
يقضوا يوم النصر معاك اقصد يوم القبض وتلاقي أختك عنيات
بتغمز عيالها روحوا ياعيال سلموا على خالكوا والله ياأحمد ياخويا
طول
اليوم وهم على كلمة واحدة (بنحب خالو بنحب خالو) .طبعا انت لازم تستحي على
دمك وتطلع خمسة جنيه على الأقل لكل
محروس منهم,ده غير عيد ميلاد صاحبك
"الأنتيخ" وسبوع معرفش مين وخطوبة أخو خال ابن عمك والمناسبات اللطيفة دي
وكتر
ياارب في افراحنا :D ,وبعد ما المرتب يطير تيجي مامتك تقولك هات خمسين
جنيه عشان أروح أزور عمتك في مدغشقر وترد انت
وتقولها مش معايا والله
ياماما خلصت القبض , مش هحكيلك على رد الفعل اكيد متوقع الفطار عبارة
عن طبق فول بايت من خمستاشر
يوم ده اذا كان فيه فطار من اصله, اما عن ولاد
اختك عنيات , تتحول الكلمة اللي معلقين عليها من بنحب خالو لــ " تف على
خالو يالا"
وبعد ما تقوم تقول وعلى رأي المثل اجري يابني ادم جري الوحوش مش هتاخد غير مرتبك وعليه خصم 15% ضرايب :P:P:P:P
ليست هناك تعليقات:
إرسال تعليق