نعمة :)

 

 

أختَك اللى بتعملّك دوشة و هى طالعة و هى داخلة و تسألك عايز حاجة و لما تطلب 

منها كوباية شاى ما ترضاش تعملها ... 

نعمة :)

أخوكى الصغير اللى لما تدخلى من برّة يفضل يعملك دوشة و يتنطط حواليكى و 

يقولِّك عايز حاجة حلوة و يجى جنب ودنك و يقولّك 

 

توووووووووووت :D و تانى يوم تمدى إيدك فى الشنطة تكتشفى إنه واخد الاقلام  

الشنطة و شخبطلك فى الكشكول بتاعك ... 

نعمة :)

ماما اللى كل شوية تطلب منّك طلب و بتخليكى تساعديها و برده طول النهار تقولِّك 

ذاكرى عشان تنفعى و انتى مش مستحملة كلامها ...

 نعمة :)

بابا اللى بيتحكِّم فى دخولك و خروجك و بيعلّق على لبسك و بتستأذنى منه فى كل

 

خطوة و بيقولك لغاية ما أتطمن عليكى فى بيت العَدل ...

 نعمة :)

اصحابِك اللى مش بتردى عليهم ع التليفون ... 

نعمة :)

زمايلك فى الكلية اللى عايزين يزوروك فى البيت و انت بتتهرب منهم عشان 

ماعندكش دماغ لهم ... 

نعمة :)

أصل أختك دى بترزل عليك و تهزر بـ عشم كده عشان إنت أخوها اللى مالهاش 

غيره فى الدنيا ... لو زعلت منها تبقى بتتبطر ع ...  

النعمة :)
 

أخوكى اللى عاملّك عفريت دا بيعمل كده معاكى عشان حاسس إنك زى ماما و إنه 

من حقه يتدلع عليكى و إنتى أمانهٌ فى الدنيا و لما  تزعلى من عمايله دى تبقى 

بتتبطرى ع  ...

النعمة :)
 

ماما بكوووووووووول حاجة بتعملها فيكى هى عايزة تعلّمك حاجة و حاسة إنك 

سندها فى الدنيا و أختها الصغيرة كمان و يوم ما هاتحتاج حد هاتبقى انتى و

 رضاها 

بالدنيا .. يبقى لما تتدايقى منها تبقى بتتبطرى ع ...

النعمة :)
 

بابا اللى انتى حاسة إنه خانقك دا و متحكم فيكى زيادة عن اللزوم دا خايف عليكى و 

نفسه يغمض عينه بالليل و هو متطمن عليكى مهما 

 

كان شكل تصرفاته أو تحكماته .. و لما تتدايقى منه تبقى بتتبطرى ع ... 

النعمة :)
 

 اصحابك دول عايزين يقولولك ع الخروجة اللى جاية و عايزينك تتبسطى و لو ما تهميهمش مش هايكلموكى ... يبقى لما تتدايقى منهم  و ماترديش عليهم تبقى بتتبطرى ع  ...

النعمة :)
 

زمايلك فى الجامعة دول عايزين يقرّبوا منك و يتعرفوا عليك أكتر عشان حاسّين إنك 

حد كويس و محترم و معرفتك كنز و مكسب ...

نعمة :)
 

يبقى لما تتهرب منهم عشان مالكش مزاج يبقى انت بتتبطر ع ...

  النعمة :)

لما الوقت يعدى و السنين تمر و تكبر هاتفتكر الحاجات دى و تفتكرى اللى كان 

بيحصل دا و هاتكتشفوا إن كل دا كان نعمة فى وقته و لما عدى بينا الوقت و 

 خلصت الحاجات دى بوقتها إكتشفنا إن السعادة كانت ساكنة الحاجات الصغننة دى :)

 

انشر

Share

-